【明報專訊】前日（17日）係中文大學創校60周年紀念日，咁重要嘅日子校方接待咗一眾貴賓。校長段崇智噚日喺校方刊物《走進中大》提到，當日非常榮幸可以喺中大校園接待民建聯代表團，雙方交流對大學發展嘅諗法。睇合照見到唔少民記元老出席，包括創黨主席曾鈺成、前主席譚耀宗、副主席陳勇，而陳婉嫻就以前常委身分同枱；仲有監委會主席盧文端及港區全國人代黃冰芬。