【明報專訊】立法會下星期復會，民建聯噚日召開黨團會議，通過由新任副主席陳恒鑌（Ben）接任黨團召集人一職，呢個職位原本由現任主席陳克勤擔任。陳克勤話喺黨團會議上，大家一致推舉阿Ben出任召集人，話佢係好資深嘅議員，對議會運作非常熟悉，過去同唔同黨派都有良好溝通，相信喺阿Ben帶領下，民建聯可以繼續喺立法會發揮作用，提出更多建設性嘅政策倡議。