【明報專訊】杭州亞運高潮迭起，港隊公路單車運動員楊倩玉前日勇奪金牌，立法會議員田北辰話，港隊多年都冇合適訓練場地，係「輸在起跑線」。佢建議喺欣澳填海地興建多用途道路活動場地，包括做賽車場、公路單車同長跑訓練，只要提供硬件，每年都可以有活動吸引人流，唔似主題公園要不斷畀錢更新。田北辰仲話，有同單車隊總教練沈金康好詳細傾過，佢都好支持呢個建議。