【明報專訊】為慶祝輕鐵服務35周年，港鐵搞咗唔少活動，包括噚日嘅屯門輕鐵車廠開放日，仲停泊咗5個唔同時期嘅列車畀人打卡影相，活動吸引咗4000名市民參加，當中唔少係鐵路迷。前九鐵主席田北辰都有趁熱鬧，話好彩搶到啲飛，佢嘅實政圓桌團隊可以帶埋街坊一齊去參觀，田二少仲帶埋3個外孫去玩。