【明報專訊】杭州亞運9月23日就揭幕，民建聯立法會議員陳仲尼（Rock）獲選為火炬手，噚日到家鄉浙江紹興參與火炬傳遞。Rock話對於有幸成為亞運火炬手感到「無上光榮」，形容係人生嘅亮點之一，可以返回家鄉傳遞火炬亦有特別意義。佢提到噚日等候傳遞火炬時，有旁觀市民問佢係邊個，佢回答來自香港時，大家一齊高呼「歡迎香港同胞」，令佢感覺內地十分歡迎香港人，大家都血濃於水。