【明報專訊】政府本月1號收番粉嶺高球場「舊場」32公頃用地，部分劃為公園用途，原定同日向公眾開放，但因超強颱風「蘇拉」襲港延期。康文署噚日宣布，公園經清理颱風引致嘅倒塌樹木後，今日（周一）早上11時開放。Emily同事噚日下晝去睇過，見康文署人員清理緊樹木同枯葉，而以往會員專享嘅球場，噚日已豎立康文署標誌牌，成為大眾可享用地方，場地並有公園地圖和垃圾桶等。有市民唔知延期開放，噚日帶狗去玩，結果白行一趟。