【明報專訊】張仁良完成教育大學校長10年任期，噚日last day。臨別秋波，佢向師生及校友發電郵，提到近日搬離校園，睇番值得紀念嘅相同文件，包括2013年以校長候選人身分向師生匯報嘅簡報。當時佢列出多個關鍵績效指標（KPI），首要係幫當時嘅教院正名，呢個目標最終喺大家共同努力下，喺3年內即2016年5月實現，嗰份喜悅、興奮至今歷歷在目。