【明報專訊】國家衛健委醫療應急司長郭燕紅率領代表團上周五（25日）起一連4日訪港，第二日就同醫衛局長盧寵茂去咗香港兒童醫院探望去年12月接受內地心臟移植嘅女嬰芷希。醫衛局噚日喺facebook話，郭燕紅一路抱住芷希，一路講好期盼見到佢，終於可以感受佢跳動嘅小心心，知道佢康復理想、快速成長，覺得非常感動同欣慰。