【明報專訊】今年係輕鐵通車35周年，港鐵推出復刻主題輕鐵作為第一波慶祝活動，幫一部輕鐵貼上1988年通車時嘅塗裝，呢架輕鐵噚日中午喺屯門兆康站亮相，過百鐵路迷及市民到場圍觀拍攝。港鐵話，呢架輕鐵今日起會主力行走來往屯門碼頭及元朗嘅610線，之後都會推出另一架復刻主題輕鐵，仲會喺9月17日舉辦輕鐵車廠開放日，作為下一波慶祝活動。