【明報專訊】岑麗香（香香）與4歲半大仔Jacob參加由保險公司舉辦的親子瑜伽班，與其他家長及小朋友同場運動。首次跟囝囝一起做瑜伽的香香備受考驗，因剛由加拿大探親回港的Jacob，未適應時差，全程十足小樹熊般黐實香香，場面搞笑。香香表示在家做瑜伽時，兒子都會好奇，會問他是否想一齊做，今次母子第一次跟老師做瑜伽，「我冇expectation，因為佢咁細個，目標唔係要做到完美動作，反而想佢可以同我運動吓、開開眼界，畢竟我們剛由加拿大探親回港，他仍有少少jet lag，凌晨4點已起身，之後只瞓了半個鐘晏覺，表現算非常叻」。