【明報專訊】人大常委會今年6月通過將每年8月15號定為「全國生態日」，特區政府噚日都搞啟動禮響應首次全國生態日。Emily留意到，呢期大熱天時下，有份主持儀式嘅政務司長陳國基、環保署長徐浩光、署理漁護署長黎堅明3位男官員，都著全套深色西裝、打領呔出席。雖則啟動禮喺室內舉行，睇番天文台資料，噚日市區日間氣溫徘徊31℃、32℃，新界地區日間最高溫度去到34℃。