【明報專訊】唔少人鍾意打波，康文署推出新興體育活動資助先導計劃，資助本地體育機構推廣新興運動，香港健球總會運用資助舉辦免費健球體驗日，鼓勵市民參與。健球比賽選用直徑達1.22米嘅波，三隊同場競技，一隊接球失敗或犯規，其餘兩隊就得分。健球教練黃天倫話，運動員要採取唔同策略，憑力量、速度接球同進攻，令對手無法接球，四人一隊嘅作賽方式講求合作，仲要配合走位路線、運球位置。