【明報專訊】英國鐵路（National Rail）噚日喺facebook發帖宣傳，話乘客用手機就可以計劃行程，知道列車幾時到站及開出，更重要係邊個車廂有廁所。不過，帖文所用嘅相片更加引來注意，相中一個亞裔女子企喺列車門旁用手機，背景拍攝到少少車廂內櫳，唔少懷疑係港人嘅網民留言話車廂好熟面口，疑似係香港屯馬線嘅列車，有留言更直指相片顯示嘅係港鐵車廂，叫英國鐵路方面睇清楚。