【明報專訊】位於中環大館嘅藝廊Touch Gallery 8月舉行「為何寫實？」展覽，但藝廊前日喺facebook話日前有警員上門調查。原來事件係有人見疑即報，指一個以港幣為創作靈感嘅作品展懷疑係販賣偽鈔活動。藝廊話警員喺4號下午到場調查，「以為我們是偽鈔製造基地」。警方回覆Emily查詢話當日下晝約5點半接到市民報案，話喺大館有港幣畫作懷疑有問題，警員到場後發現係同港幣有關嘅藝術品，事件列「誤會」。