【明報專訊】噚日係一年一度嘅全民運動日，高官出動推廣體育。特首李家超聯同文化體育及旅遊局長楊潤雄、康文署長劉明光等人，去到深水埗體育館撐場，參觀市民玩體適能訓練、衝浪板、電子反應架同電子戰繩，跟住輪到官員落場，楊潤雄打頭陣學玩電子戰繩，拎住兩條幾重嘅戰繩揈呀揈，在旁教練十幾秒後就叫停，見局長已喘氣，仲作狀脷都伸埋出嚟。練開氣功嘅李家超喺旁邊笑，自己無落場。