【明報專訊】近年有國際體育賽事播錯國歌，嚟緊喺杭州將會舉辦亞運，立法會體育、演藝、文化及出版界議員霍啟剛（圖右）接受另一立法會議員鄧家彪（圖左）嘅網台節目訪問，就話絕對唔擔心出事，話作為團長之前都有出席團長會議，檢查過晒啲國旗同國歌，話絕對冇問題。佢仲話，對於過去見到有唔少不愉快事件都覺得好心痛，希望大家可以關注番成績同比賽，而唔係政治議題。