【明報專訊】立法會「G19」議員早前考察澳門，相隔一個月後又一連兩日去咗珠海同橫琴考察。今次行程都幾豐富，內容同創科、中醫藥有關，包括參觀橫琴粵澳深度合作區展示廳，親身體驗無人車項目、粵澳合作中醫藥產業園、珠海先進集成電路研究院等；又去咗橫琴口岸參觀，體驗「兩地一檢」模式入境澳門特區。一眾議員大讚過關安排方便快捷，覺得可以加強澳門同橫琴、珠海同埋大灣區嘅合作發展，認為香港應積極考慮喺港珠澳大橋、其他跨境口岸參考採用。