【明報專訊】七一臨近，周圍都見到國旗、區旗。政務司副司長卓永興（圖）話，早前佢主持跨部門會議，檢視各部門有關慶回歸紀念同賀國慶嘅安排，要求加強力度，等市民感受節日氣氛，推動愛國愛港情懷。今年七一，各部門喺超過2000個地點張掛約3萬件國旗、區旗、彩旗、橫額等，亦喺數個地點張掛更大更顯眼嘅路燈彩旗，佢話如果效果理想，會喺國慶更廣泛使用。各區民政處亦喺地區張燈結綵，好似打卡勝地彩虹邨就有特別設計嘅打卡位，觀塘嘅海濱長廊亦有紅旗陣。