【明報專訊】男團MIRROR成員姜濤嘅粉絲連續兩年都喺偶像4月30日生日「姜誕」嗰日「包起」全線電車，請全港市民免費搭車一日，又有「姜濤號」畀市民打卡。香港電車公司噚日喺傳媒茶敘時同Emily講，原來每次搞呢啲企業同明星應援嘅免費乘車日，大概可以帶來100萬元收入，又話自從有咗「姜糖」包車嘅先例，近年愈來愈多公司都走嚟問價，舊年電車公司就一共搞咗12個免費日，除咗賺到1200萬元，仲幫到手宣傳電車形象，一舉兩得。