【明報專訊】香港迪士尼樂園公布，即日起至9月3日推出一系列「玩轉夏日」主題活動，遊客可以帶埋嬉水玩具，去到園區內接受玩具士兵反斗特訓（圖一），拎埋水槍執行水花任務，做「水兵特訓班新力軍」。至於奇妙夢想城堡前就會上映夏日版嘅「迪士尼尋夢奇緣」舞台匯演，米奇等卡通人物會喺水柱、泡泡同舞台火花特效下表演；美國小鎮大街就會再次舉行「Pixar水花大街派對！」巡遊（圖二），幫遊客降溫。另外，迪士尼好萊塢酒店將喺下月14日換「新裝」，大堂同餐廳都會以電影大銀幕為主題，變成點就要到時先知喇！