【明報專訊】噚日端午節，相信唔少人嘅早午晚餐都總會食糉。保安局長鄧炳強噚日就喺facebook提到，好多朋友知佢鍾意食鹹蛋黃，甚至有個老友每年端午節都會親手包幾隻「九黃鹹肉糉」畀佢。佢話繼中秋節請同事食「十黃月餅」後，今次再同一班千禧後嘅保安局實習生分享「九黃鹹肉糉」，形容係「少食多滋味」，亦係「不可獨食嘅傳統美食」。