【明報專訊】中國女排打完世界女排聯賽香港站後，繼續留港多幾日，噚日就同香港紀律部隊人員組成嘅排球隊切磋，警方、海關、懲教等都有派代表出賽。副保安局長卓孝業、警務處長蕭澤頤、入境處長區嘉宏、消防處長楊恩健、海關副關長陳子達同懲教署長黃國興就充當「啦啦隊」，仲齊齊玩「人浪」。最後中國隊以15比6、15比8連贏兩場勝出。