【明報專訊】網上噚日流傳一部低地台小巴駛去青衣運輸署車輛檢驗綜合大樓嘅相，小巴嶄新嘅外形隨即引起網民熱議。呢款低地台電動19座小巴叫「金路通 SOLUTION」，由本地汽車生產品牌瑞昌汽車引入，係環保署「電動公共小型巴士先導試驗計劃」下6款電動小巴之一。睇番資料，金路通有3個型號，充滿電之後續航力介乎77至200公里，0%至80%充電大約要30至90分鐘，車價由180萬至240萬元不等。