【明報專訊】唔少市民趁父親節一家外出食飯、睇黃鴨共享天倫，不過屯門醫院病房經理張京雄一家四口就要提早一個禮拜慶祝，原因係張sir、太太同兩個女都係公立醫院護士，噚日要繼續緊守崗位。醫管局facebook噚日分享咗張氏一家嘅故事，大女張凱晴Christy憶述當年考實習試時，爸爸一直喺護士站徘徊，望住閉路電視睇實考試情况，仲緊張過囡囡。妹妹張曉晴Hilda就話，初入職有任何困難，例如人際相處、應付突發情况等，返到屋企都會請教爸爸。