【明報專訊】過去六四多年舉辦燭光晚會嘅維園，今年搞市集，Emily留意到幾個歐盟駐港領事噚日都有到附近了解一下。歐盟駐港澳辦事處主任高宇馳（不在相中）同愛爾蘭駐港總領事高德朗（右）、波蘭駐港總領事丹達（中）同捷克駐港總領事尤樂娜（左），夜晚到近銅鑼灣嘅維園硬地足球場外，睇咗一陣後離開。奧地利駐港澳總領事Karl Ernst就下晝到咗維園足球場同草地附近走咗一圈，佢喺Twitter話，如果你喺一個地方住咗一陣，會見證佢嘅改變。但仍會留喺人們記憶中（When you live in a place for a while, you see it change. But the memories live on.）。