【明報專訊】最近社會掀起有關器官捐贈嘅爭議，立法會率先帶頭下周三（7日）由衛生署喺大樓擺攤位，議員同職員可以即場登記做器官捐贈者，醫衛局長盧寵茂都會出席合照同簡介環節。立法會秘書處提醒，器官捐贈無絕對年齡限制，一般由初生至75歲普遍都適合捐‍贈器官。Emily睇番立法會議員嘅資料，一班議員都未夠75歲，理論上都符合資格嘅。