【明報專訊】荃灣石圍角商場嘅麥當勞快餐店早前裝修，傳出餐廳重開後會走懷舊風格，唔少街坊都好期待。噚日朝早呢間店重開，除咗保留具代表性嘅一比一麥當勞叔叔公仔，仲有舊式壁畫同蘋果批樹，壁畫圖像係漢堡神偷、滑嘟嘟等麥當勞經典「吉祥物」。噚日唔少街坊專程去打卡，懷舊一番，有街坊話估唔到新裝修後，反而保留佢哋兒時嘅回憶影像。