【明報專訊】政府近排積極「說好香港故事」，香港金融發展局最近就搵咗M+董事局主席陳智思，訪問喺香港住咗26年嘅渣打銀行香港董事總經理Peter Burnett，Peter同時係英商會前主席。諗番當年被調派到香港，Peter話當時只想捉緊機會嚟體驗香港。問到有咩建議畀考慮來香港工作嘅外國人，佢只有一個建議，就係唔好諗應唔應該嚟。