【明報專訊】最近新冠疫情確診數字上升，立法會都先後再有議員「中招」，商台節目主持郭志仁噚日喺facebook不點名話，有一名女議員上周五通知大家確診，其議辦好多職員都同樣受感染，而同佢共用中信大廈同一層辦公室嘅議員，都同意立法會秘書處做吓清潔，事關同層仲有另一議員大肚，但指確診議員就好霸氣話「唔覺得有需要」，事後亦表示自己3日就康復。