【明報專訊】尊子嘅漫畫喺《明報》出埋今日就要同大家告別，好多fans都覺得可惜。尊子多年來幫過唔少團體同人畫漫畫，連日嚟唔少人將尊子幫佢哋畫嘅作品放上網，留言感謝。有fans就翻叮尊子今年1月喺見山書店嘅講座，當時尊子話，有人睇佢嘅作品，唔止係欣賞，而係一種connection（聯繫）。尊子當時仲話，社會嘅風氣全靠每一個人stand firm（企硬）去凝聚出嚟，無咗大家支撐，好多嘢會一夜之間冧低。