【明報專訊】著名雕刻家朱銘上月去世，其「太極系列」作品《仲門》豎立於中文大學大學圖書館門前，成為中大本部校園地標，中大刊物《走進中大》噚日就有文章講《仲門》故事。中大一直有個傳說，話學生如果穿過《仲門》就畢唔到業，朱銘喺2006年到中大監督雕塑翻新工程時話，佢整雕塑嘅用意，係想學生明白雕塑係可以親近、接觸和穿越，朱銘當時回應傳聞話：「我刻的時候，用意是成功之門。」中大生如果知道朱銘嘅苦心，仲會唔會相信呢個流言呢？