【明報專訊】香港記者協會會定期搞吓活動畀行家參加，噚日就宣傳一個幾特別嘅活動，計劃下月推出「傳媒工作者薪酬談判工作坊」。記協宣傳電郵提到，同未來僱主見工談判薪酬嘅朋友，好多時可以將本來嘅薪酬提升一至兩成；但當面對一份好想要嘅工、相關工作機會已經到手時，反問記者應該點樣提出要求先會成功？要求點樣嘅數字先算合理？記協話工作坊會以小組討論同角色扮演形式，參加者將會學識薪酬談判必要嘅技巧，仲會有場景練習，有助以後爭取最高人工，形容「leave no money on the table」。