【明報專訊】政府話要搶人才，訪京嘅勞福局長孫玉菡除咗獲港澳辦主任夏寶龍接見，仲獻出咗「第一次」，喺內地私人企業招聘平台做直播對談，為搶人才可謂出盡法寶。直播以「想要去香港工作的你，這場直播一定別錯過！」作招徠，有超過6500人睇。直播期間孫玉菡話，香港係國際化定位最高嘅城市，作為據點連接國際同內地城市，認為同深圳及上海等內地城市定位唔同。