【明報專訊】政府日前公布區議會改革方案，Emily報道港區全國人大代表、前運輸及房屋局長陳帆周日出席電台節目時，就以家傭比喻區議員，此番言論遭受區議員質疑。陳帆噚日就同Emily解釋，話其實無意冒犯，佢當時最想表達嘅係合約背後代表嘅精神，認為只要合情合理合法，而且符合當區居民期望嘅工作都應該去做，睇唔到有咩理由拒絕。不過，佢承認接到區議員反映，話對呢個比喻感到唔舒服，佢承認如果用其他比喻會比較好。