【明報專訊】政府搞咗個「共創明『Teen』計劃」，配對基層學童和友師。近期唔少大機構響應，安排學員去參觀考察，而主事嘅政務司長陳國基都要提供服務。佢噚日就安排一班學員，去位於山頂白加道嘅官邸參觀，佢同辦公室同事就當「導賞員」，帶學員認識官邸各「景點」。陳國基話呢班學生求知慾強，問咗好多問題，例如魚池中嘅錦鯉有冇名、花園果樹嘅果實可唔可以食等。