【明報專訊】近期有幾名立法會議員確診新冠病毒，包括民建聯葛珮帆（EQ）。EQ喺4月27日公布自己快測「兩條線」，有食中藥治療，但兩條線久久不退，而且病得好攰，至近兩日先慢慢好轉，噚日仍有鼻塞、周身痠痛同幾聲咳，做快測都仲係兩線，所以要以視像參加民建聯婦女事務委員會主辦嘅「強制舉報虐兒機制立法」圓桌會議，到下午再做快測，話終於等到一條線，打算今日正式復工。