【明報專訊】工作辛苦，有得食當然想食好啲！米芝蓮噚日公布《香港澳門米芝蓮指南2023》，香港有7間米芝蓮三星餐廳，其中「Ta Vie」（旅）更係新鮮滾熱辣由二星晉升。據米芝蓮介紹，主廚佐藤秀明會利用日本食材製作充滿創意嘅菜式，其中一款係「炭燒赤鯥配米餅」。不過，一間新入選嘅一星中菜廳，喺灣仔嘅「疊囍居」噚日傳出結業消息，更有員工上門追糧，仲同會計爭執，搞到要報警。餐廳網頁同facebook專頁已經上唔到，電話亦無人聽，勞工處話關注事件，仲已經接到員工求助。