【明報專訊】工聯會噚日舉辦「慶祝工聯會成立75周年暨服務市民走在前」系列行動啟動禮。好多人關注工聯會今年會唔會「復常」，喺「五一」舉辦勞動節大遊行，會長吳秋北噚日再被追問時都係未有答案，佢話表達意見同訴求有各種各樣嘅模式，會再衡量邊種模式最有效，唔會放棄任何可能，又話五一係打工仔嘅節日，工聯會將舉辦各類活動，今年會有啲表達同倡議，亦會有記者會同慶祝活動，但就無提到遊行集會。