【明報專訊】警方噚日喺facebook專頁上載《警聲百二秒》推廣本周六舉行「全民國家安全教育日」，片中藝人蔡思貝飾演外賣員，送外賣時發現藝人袁偉豪飾演顧客嘅辦公室，有一幅以本港地圖作背景嘅偵探板及「可疑裝置」，之後致電「反恐舉報熱線」，警員到場發現嗰啲只係無線電裝置。袁被問到呢個裝置有咩作用時，話一直嘗試聯絡外星人，認為金字塔、麥田圈可能係外星人所為，只要聯絡到就可解開謎團。蔡就問警員如果見到外星人係咪都要「見疑即報」呢，警員就話「呢個牽涉國家安全，亦係地球安全嘅問題，值得探討」。