【明報專訊】復活節一連4日公眾假期噚日開始，雖然唔少香港人已提早離港去旅行度假，但仲有唔少人選擇留港，而復活節都係學校嘅長假期，相信唔少家長呢幾日可能仲忙過返工，帶仔女四圍去玩。適逢本地防疫措施上月撤銷，復活節係復常後首個長假，好多商場都大搞節日佈置，喺商場唔同角落設「打卡位」，務求吸引更多人流，帶動消費，其中葵芳新都會廣場放咗近40件大型彩蛋小屋等裝置，噚日所見，真係吸引到唔少小朋友去擺甫士影相！