【明報專訊】香港同澳門全面通關後，廠商會今年再次去澳門搞工展會，一連4日嘅活動噚日開幕，商務及經濟發展局長丘應樺都有「過大海」主禮，仲即場試用展品。同樣獲邀出席嘅新民黨立法會議員容海恩話，丘應樺（圖右二，商經局fb圖片）去到家電攤檔，一手拎起新款吸塵機試用，仲話屋企啲家務都係佢一手包辦。