【明報專訊】國泰航空公司空中服務員工會新一屆理事會選舉提名期上月底結束，工會日前喺facebook話未收到任何人報名，決定將提名期延長至今個月20日。工會外務副主席蕭詠恩噚日話延期並唔罕見，現屆理事會曾因未達最少7人門檻而延遲上任。據工會了解，有同事密鑼緊鼓「組莊」，不過暫時只有3至4人，故決定延期，等有興趣嘅同事有更充裕時間。