【明報專訊】政府想吸引全球富豪喺香港成立家族辦公室，乘機吸金，會喺今個星期五（24日）搞「裕澤香江」高峰論壇。今次論壇規格好高，有來自香港、內地、北美、歐洲、亞洲及中東等超過100個家族話事人及其專業團隊出席。Emily所知，來港出席嘅富豪要行蹤低調，唔想公開身分，所以政府噚日發出嘅新聞公布無透露任何參加者，只有講者名單，另只透露活動當日喺故宮館舉行，連活動時間都無講，而論壇會閉門，高峰論壇變成神秘論壇。