【明報專訊】香港係亞洲開發銀行（亞開行）嘅其中一員，財庫局副局長陳浩濂（Joseph）去咗菲律賓，參加亞開行轄下嘅亞洲開發基金會議，乘機「說好香港故事」。Joseph話，喺當地見到舊朋友，就係亞開行東亞部主管Teresa Kho，感謝對方今年1月來港做「亞洲金融論壇」演講嘉賓。Joseph之前出訪外地，唔少人仲以為旅客來港要隔離，但Joseph話菲律賓唔同，當地人都好了解香港情况，有與會者仲同佢講，計劃幾星期後由菲國來港旅行度假。