【明報專訊】有逾30年歷史嘅的士咪表供應商「大吉利」噚日向業界發信，話因為負責人年紀大又有病，加上得番兩三個同事，人手同晶片都短缺，無奈下決定今年12月31日結業，其間唔再提供新咪表，只提供維修。「大吉利」結業之後，全港暫時得番另一間供應商「八通實業」。有的士業界同Emily講，擔心少咗競爭之後，維修同換新咪表會加價。運輸署就話正了解事件，會同的士業界保持聯繫。