【明報專訊】口罩令解除，唔少議員都唔戴罩參加活動。新冠疫情初期，社會一片恐慌及搶口罩，經民聯議員林健鋒當時回歸老本行做「廠佬」，設生產線趕製口罩。林健鋒話，呢幾日收到朋友關心，問佢間口罩廠何去何從，佢話設廠初心係為幫助香港人，而由於仍有部分行業嘅人因工作性質需要戴口罩，所以佢暫時無「收爐」打算，口罩廠仍會運作，但話隨住需求減少，佢同拍檔會考慮將部分廠房轉型，開發生產環保產品或醫療有關用品。