【明報專訊】民主黨辦春茗一波三折，之前承接生意嘅酒店或酒樓一係臨時甩底，一係就開席前話要「緊急維修」關門。不過，民主黨春茗未絕望，有民主黨人同Emily講，北角有間酒樓話唔怕惹麻煩，在商言商肯接呢單生意。民主黨計劃3月16號晚設宴，有黨中人笑言呢間酒樓接得生意都應該有晒心理準備，估計事前會做好各項檢查，無理由又要開席前做「緊急維修」。