【明報專訊】香港同內地通關後，唔少人搭高鐵北上，立法會議員田北辰噚日朝早搭高鐵去廣州南站，一去到就有好多乘客認得佢，搵佢投訴。𠵱家搭高鐵，車票植入回鄉卡，出入閘要拍卡，但田二少話乘客去到南站出閘時，硬件跟唔上，見到乘客拍卡，「10次有4次都係識別極都識別唔到」，大家要排隊等出閘，最後要靠車站職員操作人工通道畀佢哋過，大大減低咗通關效率，對乘客嚟講真係好唔方便，佢話咁搞法同「高速」兩隻字好似爭好遠。