【明報專訊】政府公布下星期一（6日）同內地全面免檢疫通關，立法會「A4聯盟」議員梁文廣話佢即時受惠，因為佢周日要返中山開市政協會議，成為最後一批要有入境前48小時核酸檢測嘅人，但周一中午趕返香港開房屋事務委員會會議，就成為首日免檢入境嘅人。佢話周一開完立法會後又要即晚返中山，翌日開政協會，但又要即日趕返香港，周三朝早開工務小組委員會會議，審批簡約公屋撥款。佢話因為議程好重要，所以未來幾日都要奔波。