【明報專訊】立法會前議員黃碧雲因被指擾亂立法會秩序，承認藐視罪，4星期刑期噚日完結，佢以全身防護裝束出獄，好大陣仗。事後佢喺社交平台交代，原來佢臨出冊前4日「陽咗」，確診感染新冠病毒，噚日快測已轉陰性，但由於有隔離令在身，仲差一日，差啲就被送咗去竹篙灣隔離中心，最後爭取到衛生署批准，可以點對點方式返屋企再隔離，噚日離開羅湖時被要求穿上保護衣，今早快測再陰就可正式結束隔離令。